Já já auðvitað erum við öfundsverðir fyrir það að fá 30% launalækkun og óðaverðbólgu háa stýrivextir og................

Já já auðvitað erum við öfundsverðir fyrir það eitt að þiggja 30%  launalækkun og jafnvel meira,ásamt því að þúsundir manns missa vinnu í óðaverðbólgu og algjöru stjórnleysi í peningamálum þjóðarinar þar sem við eigum eftir að sjá verðbólgu uppí 18% og vextina enn hærri  já haldið þið að það sé munur að vera sannur Íslendingur núna .................

Íslendingar öfundsverðir

Athugasemdir

[Guðmundur Björn, 21.9.2008 kl. 10:24]

Þetta hlýtur bara að vera algjör vitleysa í Alþjóðagjaldeyrissjónum, þar sem mannvitsbrekkur eins og þú vita hreinlega betur og jú formaður Rafiðnararsambandsins - Bjarkarpappi.

Málið er bara það að markaðurinn er að leita jafnvægis og það má segja að það sé að komast á eðlilegt ástand á Íslandi.  Þessir 200 sem Ístak sagði upp að mig minnir um daginn, voru Pólverjar sem senda hvort sem er hýruna beint í Zloty-ið til Póllands.  Einkaneyslan var út á túni og flestir Íslendingar hafa aldrei kunnað að fara með fé, nema þá kannski sauðfé. Þú getur ekki neitað því að almenningur fór algerlega framúr sér í neyslu og lántökum. Hvað ætli að það séu margir lúxusjeppar til sölu í dag með 95% áhvílandi?  Kæmi ekki á óvart að einhverjir hefðu tekið lán til að kaupa brauðrist og flatskjá.

Það er orðið vandræðalegt þegar maður þarf að tala ensku eða eitthvað annað mál þegar maður ferðast um landið eða kíkir inn á matstölustað í Rvík.  Fyrir nokkrum árum fengu útgerðarfyrirtæki ekki umsóknir frá Íslendingum, því það var ekki nógu fínt að vera á sjónum.  Það voru bara Austur-Evrópubúar um borð sem hásetar og verkamenn.  Nú er maður að heyra sögur að Íslendingar sækja um hásetapláss og á á hótelum í hrönnum eftir starfi.   Er þetta ekki jákvæð þróun?  Þarf maður alltaf að búast við því að tala rússnesku, pólsku, tælensku eða hindi þegar maður ætlar í Bónus?

Síðan er bara bent á Davíð Oddsson, Geir Haarde og jú George Bush sem sökudólga þegar hallæri skellur á.  Fólk ætti nú bara að líta í eigin barm og lækka kostnað fjölskyldunnar, heldur en að vera væla og væla yfir því að góðærið er búið, í bili.                                 

En, þú veist greinilega miklu betur. En, ertu þingmaður öhhhhhhhhhhhh fyrir hvern?

[Gylfi Björgvinsson, 21.9.2008 kl. 10:25]

Það koma tækifæri  til að breyta  yfir í sanna ánægju í næstu kosningum varla förum við að verðlauna þennan árangur með því að kjósa þetta fólk til að stýra skútunni að nýju

[Þröstur (IP-tala skráð) 21.9.2008 kl. 10:53]

Hmm er einhver að stýra skútunni? 

Og endilega farið inn á visir.is og svarið spurningunni frá Reykjavík síðdegis!  Þeir spyrja! Hvort Davíð Oddson eigi að snúa aftur í pólitíkina?? Þar sem þessi maður stýrir Seðlabankanum svona vel þá er spurning um að verðlauna manninn og leyfa honum að snúa aftur? Hvað finnst ykkur um það?

[Guðmundur Björn, 21.9.2008 kl. 10:57]

Nr. 2 og 3. 

Stýrðu þeir okkur ekki líka inn í góðærið sem landsmenn tóku kannski of vel fagnandi með bönkunum.   

[Linda (IP-tala skráð) 21.9.2008 kl. 11:15]

Þessi fyrirsögn er náttúrulega byggð á óstjórnlegri afneitun. Það er nefnilega líka sagt að viðskiptahallinn verði 9,1% og varla er það öfundsvert. Sjóðurinn segir líka, að íslensk stjórnvöld þurfi að tryggja að umskiptin verði sem sársaukaminnst og draga úr áhættu og minnka ríkisútgjöld. En það er bara ekki að gerast. Á meðan að allt er að hrynja á skerinu, þá eyðir Alþingisfólk peningum í launahækkanir og tvöföld eftirlaun fyrir sjálfa sig, spreðar í ferðalög og er á einkaneyslutrippi á kostnað almennings. Þá kemur fram að íbúðalánasjóður þurfi að breytast, verðbólga sé enn vaxandi, kaupmáttur mun minnka og að það muni hafa slæm áhrif á minni fyrirtæki. Já, við erum öfundsverð!

[Guðmundur Björn, 21.9.2008 kl. 11:40]

Linda: Hvað er að hrynja?  Hvað er búið að hrynja? Jú Hans Petersen lokaði.  Hefur þú skoðað aðstæðar annarsstaðar en á Íslandi?  Týpískt einangrunarþröngsýni hjá Íslendingum.  Það bara hlýtur að vera betra hinum megin við girðinguna og só bí itt!  Nú er ég í Kaupmannahöfn.  Það hækkar allt hér í kring, nema bensínlítrinn lækkaði nú í gær.  Verðbólga er allsstaðar á uppleið ekki bara á Íslandi.  Ekki einblína bara á Seðlabanka Íslands, heldur horfðu í kringum þig.  Seðlabanki Íslands bjargar ekki heiminum frá fjármálakreppunni. Held nú að Seðlabankar stærri markaða og hagkerfa geri það frekar, sem mun hafa mikil áhrif hér til lengri tíma litið.

[Helgi Þór Gunnarsson, 21.9.2008 kl. 14:14]

Sæll Vignir, ég ætla bara að kvitta fyrir mig, mér sýnist fólk vera nokkuð málefnalegt hér að ofan, kær kveðja frá Eyjum.

[Vignir Arnarson, 21.9.2008 kl. 16:44]

Það er allavega alveg á hreinu að það eru ekki við sem erum að stjórna þessari skútu,það væri löngu búið að reka okkur fyrir svona fjármálastjórn 

[Helgi Þór Gunnarsson, 22.9.2008 kl. 00:04]

Sammála þér frændi.