Sýknaður af ákæru um líkamsárás en hann var grunaður um brot gagnvart þrettán ára stúlku

Er okkar réttar kerfi algjörlega ónýtt?

Ég læt hérna fréttina koma ykkur til glöggvunar og segið mér svo hvað ykkur finnst um þetta.

Rúmlega tvítugur karlmaður, sem á síðasta ári var dæmdur í þriggja ára fangelsi fyrir nauðgun, var í Héraðsdómi Reykjavíkur í dag sýknaður af ákæru um líkamsárás gagnvart ungri stúlku. Í umsögn dómara segir að honum sé ekki gerð sérstök refsing í málinu þar sem tekið sé tillit til þess að hann hafði fengið þriggja ára fangelsisdóm fyrir nauðgun skömmu áður og ef málin tvö hefðu verið tekin fyrir á sama tíma þá hefði hann ekki hlotið sérstakan dóm fyrir líkamsárásina.

Maðurinn var í desember í fyrra úrskurðaður í gæsluvarðhald í nokkra daga en hann var grunaður um brot gagnvart þrettán ára stúlku. Aðeins nokkrir dagar voru liðnir frá því að maðurinn var dæmdur til þriggja ára fangelsisvistar í Héraðsdómi Reykjavíkur fyrir að þröngva fjórtán ára stúlku til samræðis við sig í september árið 2005. Hæstiréttur staðfesti dóm héraðsdóm nú í sumar.

Athugasemdir

[kiza, 15.10.2007 kl. 16:11]

Bíddu...?  Hvernig gengur það upp að maðurinn sé ekki dæmdur fyrir líkamsárásina?

Eins og maðurinn eigi að fá einhverja sérmeðferð þar sem hann var nýdæmdur fyrir nauðgun?! Þetta er gjörsamlega óforbetranlegt!!!

Og á sama tíma eru einhverjir hasshausar að afplána margra ára dóm fyrir að flytja nokkra mola inn til landsins??!  Það er greinilegt að ef menn ætla sér að sleppa við refsingu fyrir brot þá er bara að berja unglingsstúlkur; það virðist vera "get out of jail free"-spil dagsins.

[Björn Jónasson (IP-tala skráð) 15.10.2007 kl. 16:15]

Já!

Erlendis er stundum dæmt sérstaklega fyri innbrot, ólöglegan vopnaburð, frelsisskerðingu, nauðgun, líkamárás og svo framvegis til að tryggja að ódæðismenn fái hámarks refsingu.  Við búum við andstæðuna, stundum hefur maður á tilfinningunni að nauðgun teljist refsilækkandi ef auðgunarbrot er framið samhliða.  Alþingi verður samsekt þangað til lög um lágmarksrefsingu verða samþykkt á alþingi, dómurum er ekki treystandi til að deila út hæfilegum refsingum í nauðgunarmálum.

[Friðrik Guðmundsson (IP-tala skráð) 15.10.2007 kl. 16:41]

Vignir. Sem "besti sölumaður í heimi" máttu vita að gæði vörunnar sem þú selur skiptir máli. Þess vegna er ófyrirgefanlegt þegar þú segir manninn hafa verið sýknaðan, þegar hann var sakfelldur. Enda hvernig er hægt að gera manni ekki sérstaka refsingu sem sýknaður hefur verið??? Hvað þetta mál varðar er dómarinn að segja: Þetta mál átti að taka fyrir og dæma samhliða nauðgunarmálinu en var ekki gert. Dómarinn er í raun að "refsa" ákæruvaldinu fyrir að standa sig ekki. Ég er ekki að segja að dómarinn hafi þarna rétt fyrir sér, en lagatæknilega hlýtur að vera forsenda fyrir þessari niðurstöðu. Og svo gamla góða: Bíðum eftir niðurstöðu Hæstaréttar - þar kemur niðurstaðan sem máli skiptir í þessu tiltekna máli.

[Einar Bragi Bragason., 15.10.2007 kl. 18:22]

Þetta mál er út í hött